Metoda Skaut e aplikuar nga Guidat dhe Skautët e Europës bazohet në atë të shpikur nga Robert Baden-Powell dhe e pasuruar nga Ati Jacques Sevin (Francë), së bashku me Jean Corbisier (Belgjikë) dhe Kontin Mario di Carpegna (Itali) në dekadat e para të shekullit të njëzetë. Ajo synon zhvillimin e fëmijëve dhe adoleshentëve nëpërmjet lojës dhe aventurës në natyrë dhe marrjen e përgjegjësive brenda grupit. Skauti fokusohet në një edukim të diferencuar midis djemve dhe vajzave, duke respektuar nevojat e tyre specifike sipas moshës së tyre.

​

Metoda e skautizmit përfshin të gjithë personin, rrit fëmijët dhe adoleshentët në të gjitha dimensionet. Skauti Evropian synon të përgatisë të rinjtë për moshën e rritur, ti ndihmojë në pozicionimin tyre në shoqëri, t'i mësojë ata të jenë përgjegjës për detyrimet e tyre në familje dhe në shoqëri. Origjinaliteti i teknikës Skaut është të jesh skaut është zbavitëse dhe interesante. Rrethi i skautëve është një vend ku të rinjtë tregojnë kreativitetin e tyre nëpërmjet takimeve, lojës, dhe jetës së kampit.

 

Organizata punon mbi parimin e formimit të të rinjve nëpërmjet të rinjve. Kjo është veçoria e lëvizjes Skaut, e cila duket në pamje të parë e pazakontë, por këtu është i gjithë gjenialiteti i saj. Skautët mësojnë të jenë përgjegjës për njëri-tjetrin nëpërmjet zbatimit të detyrave specifike, rritjes dhe fitimit të përvojës, duke pasur reciprokisht gëzimin e mirëkuptimit, e cila ndihmon për të zbuluar plotësisht potencialin e tyre dhe për të realizuar veten sa më shumë që të jetë e mundur. 

Duke qënë se Skauti synon të formojë burra dhe gra me integritet, të drejtë, të ekuilibruar dhe të harmonishëm, aktivitetet e organizuara janë projektuara për të ndihmuar të riun të zhvillohet në pesë fusha që tradicionalisht quhen "pesë pikat e Skautit". Po ashtu ai duhet të ketë edhe pesë “motorë” të cilët a shoqërojne.