Përvoja e Komisionerit të Përgjithshëm te skautëve te Shqipërise në kampin ndërkombëtar "12 Stars Camp" në Francë ishte një aventurë e jashtëzakonshme. Ky kamp na mblodhi së bashku skautë nga disa vende të Europës, të cilët u bashkuam për të ndarë përvojat, kulturat dhe miqësinë e skautizmit. Nga momenti i mbërritjes në kamp, ndjeva atmosferën e veçantë që e karakterizonte këtë kamp. Kjo ishte një mundësi për të takuar skautë nga vende të ndryshme.
Aktivitetet e përbashkëta, si lojërat dhe ecjet në natyrën e bukur franceze, më dhanë mundësinë të forcoj aftësitë e mija dhe të ndërtoj lidhje të reja. Një nga momentet më të veçanta të kampit ishte ceremonia e flamurit, ku të gjithë skautët, të veshur me uniforma, ngritëm flamujt e vendeve të tona për të treguar unitetin dhe diversitetin e skautizmit. Nga ky kamp krijova miqësi të reja me skautë nga vende të ndryshme, duke mësuar nga përvojat e tyre dhe duke ndarë historitë e mija për lëvizjen skaut në Shqipëri.
"12 Stars Camp" nuk ishte thjesht një kamp, por një përvojë jetësore që më tregoi fuqinë e vëllazërisë skaut dhe rëndësinë e unitetit ndërkombëtar. Ky kamp më frymëzoi që të vazhdojë të angazhohem me pasion në lëvizjen skaut, duke kontribuar për një Europë më të mirë dhe më të drejtë.
Related Posts
